دوابەدوی هەڵبژاردن‌كان وە بەشداری كردنی ئەحزابی ئیسلامی لەم هەڵبژاردنانەی دواییدا بۆ پارلمان كۆمەلێك گومان و ‌شوبهه روی كردە مۆسڵمانان كەبو بەهۆی ئەوەی كۆمەلێك پرسیار ئاراستەی جەنابی مامۆستا عبدالقادر توحیدی بكرێت .هەرچەندە وەڵامی ئەم پرسیارانە بەشێوەی نامیلكە لە زۆربەی ناوچەكاندا بڵاوكراوەتەوەو بوتە هۆی كەڵك ورگرتنی ئەهلی تەوحیدیش، ئێمەش بەباشمانزانی بۆ زیاتر سود وەرگرتنی مۆسڵمانان بیخینەروی خوێنەران.
___________________________
گۆڕانی ئایین له‌گڵ گۆڕانیسه‌رده‌مه‌ دا/ تعدد الاحزاب ../ حیزبایه‌تی‌ شیركه‌../ ئاوات ئه‌خوازن كه‌تۆ بگونجێیت له‌گه‌ڵیاندا.../ هه‌نگاو هه‌ڵگرتن له‌ڕێگای دیموكڕاتیه‌وه‌ ../ په‌ڕله‌مان له‌ ڕوانگه‌ی‌ ئیسلامه‌وه‌
___________________________
وه‌ڵام دانه‌وه‌ی چه‌ند پرسیارێك
به‌ناوی خوای تاك وته‌نیاو درود بۆگیانی چاكترین وگه‌وره‌ترین مرۆڤ پێشه‌واو ره‌هبه‌ری موسوڵمانان گه‌وره‌مان محمدی كوڕی عبدوڵڵاو یارو په‌یڕه‌وانی هه‌موویان هه‌تاهه‌تایه‌ .
برایان وخوشكانم مانگانه‌ به‌ڵكو هه‌فتانه‌ وڕۆژانه‌یش چه‌ند پرسیارمان لێ ئه‌كه‌ن و وه‌ڵامیان ئه‌ده‌ینه‌وه‌ به‌گوێره‌ی تواناو زۆریان چه‌ند باره‌ ئه‌بێته‌وه‌ له‌به‌ر ئه‌وه‌ پێم باشبو ئه‌م چه‌ند پرسیاره‌ی خواره‌وه‌ به‌كورتی به‌گوێره‌ی تواناو ده‌ركی خۆم له‌ چه‌ندلاپه‌ڕه‌یه‌كدا تۆماربكه‌م به‌ڵكو كه‌م چه‌ند باره‌ بكرێته‌وه‌و هه‌م به‌ڵكو سودێكی‌ زیاتری هه‌بێت بۆبراوخوشكانی هاوزمانم ، ئه‌وه‌ی ڕا سته‌ له‌خواوه‌یه‌وئه‌وی كه‌ هه‌ڵه‌یه‌ هی منه‌و داوای لێ بوردن له‌خوائه‌كه‌م .
ئه‌ڵێن :
پ/1 ـــ كه‌سانێك هه‌ن كه‌ئه‌ڵێن : ئه‌گه‌ر پێغه‌مبه‌ر (صلی‌ الله‌ علیه‌وسلم)له‌م سه‌رده‌مه‌ دا بوایه‌ زۆرشتی ئه‌گۆڕی ؟
و/پ1 ـــ ئه‌و قسه‌یه‌ ئه‌گه‌ر خاوه‌نه‌كه‌ی نه‌زان ونه‌خوێنده‌وار بێت خراپه‌و ئه‌بێ وریابێت نه‌ك له‌و وشانه‌ بێت كه‌ خاوه‌نه‌كه‌ی به‌هیچی نازانێت به‌ڵام له‌لای خودا زۆرگه‌وره‌یه‌و به‌هه‌زاران پله‌ خاوه‌نه‌كه‌ی به‌ناخی دۆزه‌خدا ئه‌باته‌ خواره‌وه‌ .
وه‌ئه‌گه‌ر خاوه‌نی ئه‌وقسه‌ خوێنده‌وارو زانابێت ئه‌بێ له‌بیرو باوه‌ڕی خۆی بترسێت چونكه‌ ئه‌و قسه‌یه‌ دووشتی زۆر گه‌وره‌و پڕ مه‌ترسی لێ وه‌رئه‌گیرێت یه‌كه‌م ناته‌واوی ئایین چونكه‌به‌قسه‌ی ئه‌وكابرایه‌ ئه‌ومه‌سئه‌له‌ی كه‌ ئه‌وباسیان ئه‌كات وله‌گه‌ڵ ئایین دا ڕێك نیه‌ وده‌بوایه‌ ئایین ئاوای بوتبایه‌ و ئه‌گه‌ر پێغه‌مبه‌ر (صلی‌ الله علیه‌ وسلم )ببوایه‌ ئه‌یگۆڕی به‌وشێوه‌ی كه‌ئه‌وبه‌لایه‌وه‌ په‌سنده‌ كه‌واته‌ ئایین ناته‌واوه‌و پێویستی به‌ده‌ست كاری هه‌یه‌ كه‌ دژی ده‌یان ئایه‌ته‌ له‌وانه‌ ئایه‌تی[ ألْيَوْمَ أَكْمَلْتُ لَكُم ْ دِينَكُمْ وَأتْمَمْتُ عَلَيْكُم ْنِعْمَتِي وَرَضِيتُ لَكُمُ الأِسْلامَ دِيناً ] واته‌ : ئه‌مڕۆكه‌ تۆ له‌حه‌جی ماڵئاواییدای ئایینم بۆئێوه‌ ته‌واو كردو نیعمه‌تی خۆمتانم كۆتایی هێنا بۆتان و ڕازی بووم لێتان كه‌ ئیسلام ئایینتان بێت (سوره‌تی مائیده‌ ـــ3ـــ ).دووهه‌م به‌ڵگه‌ ی بێ ئاگایی پێغه‌مبه‌ره‌ (صلی‌ الله علیه‌ وسلم)له‌ ئایینده‌ی ئوممه‌ته‌كه‌ی له‌ حاڵێكدا كه‌ ئه‌و فه‌رموویه‌تی هیچ چاكه‌یه‌ك نیه‌ مه‌گه‌ر من به‌ئێوه‌م ڕاگه‌یاندبێت و هیچ خراپه‌یه‌كیش نیه‌ مه‌گه‌ر من ئێوه‌م له‌وترسانه‌ بێت وئه‌و زاته‌ له‌میعراج دا گه‌لێ شتی ئاینده‌ی بۆڕونكراوه‌ته‌وه‌ و هه‌ندێكیش كه‌پێویست بون بۆ ئوممه‌ته‌كه‌ی باس كردووه‌ له‌وانه‌ به‌هه‌شت ودۆزه‌خ وقه‌سری عومه‌رو حۆریه‌كه‌ی وقه‌سری خه‌دیجه‌ی خێزانی و خشه‌ی نه‌عله‌كانی‌ بیلال له‌پێش ده‌میه‌وه‌ له‌به‌هه‌شت داو ئه‌و دوو تاقمه‌ی دۆزه‌خ كه‌فه‌رمووی من تائێستا ئه‌وانه‌م نه‌دیوه‌و ئه‌مڕۆپاش زیاتر له‌ هه‌زارو چوارسه‌دساڵ ئێمه‌ به‌چاوی خۆمان ئه‌یانبینین واته‌ ئه‌و ئافره‌تانه‌ی پۆشته‌و ڕوتاڵن وبه‌لارو له‌نجه‌و فریوده‌رن وسه‌ریان وه‌كو كۆپاره‌ی وشتر به‌رز كردوه‌ ته‌وه‌و ئه‌و پۆلیسانه‌ی كه‌ شتێكیان به‌ ده‌سته‌ وه‌یه‌ وه‌كو كلكی مانگا و خه‌ڵكی پێ ئازار ئه‌ده‌ن وفه‌رموویه‌تی [ سَتَكونُ فِتَنٌ ،القَاعِدُ فِيها خَيْر ٌمِنَ الْقائِمِ، وَالقائِمُ فِيْهاخَيرٌ مِنَ الْماشي ، وَالماشي فِها خَيرٌ مِنَ السّاعي ، مَنْ تَشَرَّفَ لَها تَسْتَشْرِفُهُ ، فَمَنْ وَجَدَ مَلْجأً أوْ مَعاذا ًفَلْيَعُذْ بِهِ ].
واته‌ : به‌م زوانه‌ كوشتار ڕوئه‌دات ئه‌وكه‌سه‌ی دانیشتووه‌ ناچێته‌ ناوی باشتره‌ له‌وكه‌سه‌ی كه‌ ده‌چێته‌ ناوی ، وه‌ئه‌وه‌ی كه‌ تێیدایه‌ چاكتره‌ له‌وه‌ی كه‌كاره‌ساته‌كه‌ هه‌ ڵئه‌ گیرسێنێت وه‌ئه‌ویش كه‌ هه‌ڵی ئه‌گیرسێنێت هێشتا چاكتره‌ له‌وه‌ی كه‌خۆی تێدا ماندوئه‌كات ، هه‌ركه‌سێكیش هه‌ر ته‌نها ئاره‌زوی بكات خۆی ئه‌فه‌وتێنێت جاهه‌ركه‌سێك له‌وكاتانه‌دا په‌ناگه‌یه‌ یان ده‌ست گیرێكی ده‌ست كه‌وێت جابا په‌نای بۆببات و خۆی له‌وكوشتاره‌ بپارێزێت )بخاری و مسلم(.
واته‌ : پێغه‌مبه‌رمان (صلی‌ الله علیه‌ وسلم)خوای داناو كاربه‌جێ له‌ته‌واوی ڕوداوه‌كانی جیهانی بۆ ئه‌م ئه‌ممه‌ته‌ی ئاگاداری كرده‌وه‌و زۆریشی به‌ئێمه‌ ڕاگه‌یاندوه‌و هی وابوه‌ هه‌ر پاش خۆی و هه‌ندێكی پاش سه‌دان ساڵ وبه‌شێكی زۆری تائێستاو زۆریشی ماوه‌ هێشتا هه‌ر په‌یدا نه‌بوون له‌مه‌ولا ڕووئه‌ده‌ن و زۆریشیان هه‌واڵی كاتی سه‌ره‌مه‌رگ وپاش مه‌رگن ، جاچۆن ئه‌بێ ئه‌م هه‌مووشتانه‌ی زانیبێت وبه‌ ئێمه‌ بڵێت [عَلَيْكُمْ بِسُنَّتِي وَسُنَّةِ الْخُلَفاءِ الرَّاشِديِن َ وَعَضُّوا عَلَيْهَا بِالنَّواجِذِ] واته‌ : ڕه‌وشتی من وخه‌لیفه‌ چاكه‌كانی پاش من بگرن و دان به‌ خۆتاندا بگرن له‌سه‌ری . وه‌بفه‌رموێت [ مَنْ عَمِلَ عَمَلاً لَيْسَ عَلَيْهِ أَمْرُنا فَهُوَ رَدٌّ] هه‌ركه‌سێك كارێ بكات و بڕیاری ئێمه‌ی له‌سه‌ر نه‌بێت ئائه‌وكاره‌ به‌رپه‌رچ دراوه‌یه‌و وه‌رناگیرێت . وه‌ ده‌یان فه‌رمووده‌ی تر له‌مباره‌وه‌ كه‌چی وا به‌خه‌ڵك بگه‌یه‌نیت كه‌ پێغه‌مبه‌ر (صلی‌ الله‌ علیه‌ وسلم )به‌م بارودۆخه‌ی نه‌زانیوه‌و ئه‌گه‌ر ئێستابوایه‌ زۆر شتی ئه‌گۆڕی ئاشكرایه‌ یان خواو پێغه‌مبه‌رو ئیسلامی تائێستا به‌گوێره‌ی پێویست نه‌ناسیوه‌ یالاڕێ بووه‌ په‌نا به‌خوا ، له‌به‌رئه‌وه‌ داوا ئه‌كه‌م كه‌خاوه‌ن یاخاوه‌نانی ئه‌م جۆره‌قسه‌یه‌ ئه‌گه‌ر خۆیان به‌موسوڵمان ئه‌زانن بابه‌خۆیاندا بێنه‌وه‌و ئه‌م هه‌ڵه‌ گه‌وره‌یه‌ ڕا ست بكه‌نه‌وه‌و ئه‌گینا به‌وقسه‌ نادروست وپڕوپوچه‌یان له‌ڕیزی باوه‌ڕداران ده‌رئه‌چن ، وه‌ ئه‌گه‌ر گوێیان لێ بگیرێت و خودا خۆی قوڕئان نه‌پارێزێت ، به‌ڕاستی ئیسلامیش وه‌كو گاورو جوی لێد ێت وقوڕئان ئه‌كرێ به‌ ده‌یان پارچه‌وه‌ به‌ڵام با دڵنیابن قوڕئان كه‌ سه‌رچاوه‌ی ئیسلامه‌و فه‌رمووده‌كانی پێغه‌مبه‌رمان (صلی‌ الله‌ علیه‌ وسلم ) كه‌ ڕۆشنكه‌ره‌وه‌یه‌تی خودا خۆی ئه‌یان پارێزێت و هه‌میشه‌ خودا كه‌سانێكی بۆ داناوه‌ كه‌ ڕاستی له‌ناڕاستی ڕۆشن بكاته‌وه‌ و خه‌ڵكی ئاگاداربكاته‌وه‌ وهه‌تا ئێستا هه‌روابه‌پاكی هاتوه‌و هه‌روا یش ئه‌بێ هه‌تا ئه‌وڕۆژه‌ی كه‌ خوا ئه‌یباته‌ وه‌ بۆلای خۆی .
پێغه‌به‌ر (صلی‌ الله‌ علیه‌ وسلم )ئه‌مه‌ی فه‌رمووه‌ كه‌ئێوه‌ ، پێ به‌ پێ وگه‌ز به‌گه‌زپه‌یڕه‌وی گاورو جوله‌كه‌ ئه‌كه‌ن ئه‌گه‌ر بچن به‌كونی بزن مژه‌ دا ئێوه‌یش ئه‌چنه‌ ناویه‌وه‌ ، كه‌وابو به‌ڕێز ! تۆئێستا خه‌ریكی ئه‌نجامدانی ناوه‌رۆكی ئه‌م فه‌رموده‌ی پێغمبه‌ری ئازیزمانی (صلی‌ الله‌ علیه‌ وسلم )وه‌خه‌ریكی به‌كونی بزن مژه‌ دا خۆت ون ئه‌كه‌یت و زۆرسه‌رگه‌رمی دنیایت وئاگات له‌ئایین وپاشه‌ ڕۆژ نه‌ماوه‌ .
پ/2 ـــ ئه‌ڵێن پارچه‌ پارچه‌ بونی موسوڵمانان له‌مسه‌رده‌مه‌دا له‌به‌ر ژه‌وه‌ندی‌ ئیسلام وموسوڵمانان دایه‌ ئایه‌ وایه‌ ؟
و/پ2 ـــ نه‌خه‌یر وانیه‌ چونكه‌ به‌رژه‌وه‌ندی موسوڵمانان وا له‌په‌یڕه‌وی كردنی فه‌رمانه‌كانی خوداو پێغه‌مبه‌ردا(صلی الله علیه‌ وسلم)خوا ئه‌فه‌رموێت : [واعْتَصَِمُوا بِحَبْلِ اللهِ جَميعاً ولاتَفَرَّقوا] ( آ‌ل عمران ــ103).ده‌ست بگرن به‌ئاینه‌كه‌ی خوداوه‌و به‌ش به‌ش نه‌بن ، وه‌ئه‌فه‌رموێت (وَأَنَّ هذا صِرَاطي مُسْتَقيْماً فاتَّبِِعوُهُ ولا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ] به‌ڕاستی ئه‌مه‌ ڕێگای ڕاستی منه‌ جادوای بكه‌ون ودوای‌ ڕێگاكانی تر مه‌كه‌ون چونكه‌ به‌ش به‌ش تان ئه‌كات له‌ڕێگای خودا [ذالِكُمْ وَصّاكُمْ بِهِ لَعَلَّكُمْ تَتَّقُون] (ئةنعام ـــ153). ئه‌وه‌یه‌ كه‌خوا ئامۆژگاریتان بۆلای ده‌كات به‌ ڵكو بترسن وخۆتان له‌سزای ئه‌و بپارێزن . پێغه‌مبه‌رمان (صلی الله علیه‌ وسلم)ئه‌فه‌رموێت [أَلْمُؤمِنُ لِلْمُؤْمِنِ كَالبُنْيانِ يَشُدُّ بَعْضُهُ بَعضاً] باوه‌ڕدار بۆ باوه‌ڕداروه‌كو خانوه‌كان وان هه‌ندێكیان هه‌ندێكیان بته‌وو به‌هێز تر ئه‌كات . وه‌خودا ده‌فه‌رموێت [وَأَطيعوُا اللهَ وَرَسولَهُ ولا تَنا زَعُوُا افَتَفْشَلُوا وَتَذْهَبَ رِيحُكُمْ وَاصْبِرُوا إِنَّ اللهَ مَعَ الصّابِرين](ئةنفال ـــ 46)په‌یڕه‌وی خوداو پێغه‌مبه‌ره‌كه‌ی بكه‌ن وله‌ناوخۆتاندا ناكۆكی دروست نه‌كه‌ن چونكه‌ شكست ئه‌خۆن و سام وهه‌یبه‌تتان نامێنێ وله‌به‌رامبه‌ری ناڕه‌حه‌تیه‌ كانی ناوخۆو
ده‌ره‌وه‌ دا خۆبگرن به‌ڕاستی خوا له‌گه‌ڵ خۆگراندایه‌ویارمه‌تیان ئه‌دات .
چ سودێكی هه‌یه‌ ئه‌م حیزب حیزبێنه‌ كه‌به‌پاره‌ی موسوڵمانان تانه‌و ته‌شه‌ر له‌ ئیسلام و موسوڵمانان بدرێ ئایه‌ ئه‌وه‌یه‌ مانای [أَلْمُؤْمِنُونَ يَدٌعَلى مَنْ سِواهُمْ] باوه‌ڕداران یه‌كده‌ستن له‌دژی جگه‌ له‌خۆیان ؟!
پ/3 ـــ ئایه‌ ڕاسته‌ حیزبایه‌تی‌ شیركه‌ ؟
و/پ3 ـــ حیزبایه‌تی ئه‌تكات به‌موشریك چونكه‌ له‌ئایین دا زۆرشت هه‌یه‌ پێویسته‌ بكرێن و ببن به‌ڵام له‌به‌ر ڕه‌ئیس و به‌رنامه‌ی حیزبه‌كه‌ی خۆی لێ لائه‌دات بۆنمونه‌ خوائه‌فه‌رموێ یه‌كده‌ست بن به‌ڵام ئه‌م بانگه‌شه‌ی چه‌ند ده‌سته‌یی ده‌كات و خۆیشی به‌خواناس ئه‌زانێ ، لێره‌دا به‌گوێی خوای نه‌كردبه‌ڵكو به‌ئاره‌زووی حیزبه‌كه‌ی جوڵایه‌وه‌ ده‌ی ئه‌مه‌ حیزب په‌رستیه‌ نه‌ك خواپه‌رستی كه‌س نه‌بووه‌ كه‌ئاره‌زواتی خۆی دانابێت وسه‌جده‌ی لێ بردبێت كه‌چی خوا [أَفَرَأَيْتَ مَنِ اتَّخَذَ إِلَهَهُ هَواهُ](الجاثية ــ23) . ئایا نابینی ئه‌وكه‌سه‌ی كه‌ئاره‌زواتی خۆی كردووه‌ به‌خوای خۆی ؟ ده‌ی ئایاهیچ شتێ له‌وه‌تاوان ترهه‌یه‌ كه‌تۆقسه‌ی خواپشت گوێبخه‌یت له‌به‌ر به‌رژه‌وه‌ندی‌ حیزبه‌كه‌ت ؟!
له راستیدا به‌س كه‌ الله تعالی ئه‌فه‌رموێت :وَلَا تَكُونُوا مِنَ الْمُشْرِكِينَ مِنَ الَّذِينَ فَرَّقُوا دِينَهُمْ وَكَانُوا شِيَعًا كُلُّ حِزْبٍ بِمَا لَدَيْهِمْ فَرِحُونَ. الروم/30-31
شتی زۆرترمان له‌م نامیلكه‌و نامیلكه‌كه‌ی حیزب حیزبێنه‌دانوسیوه‌ لێره‌ ئه‌وه‌نده‌ به‌سه‌
پ/4 ـــ ئه‌گه‌ر پشت به‌م وبه‌و نه‌به‌ستین ویارمه‌تیان لێ وه‌رنه‌گرین چۆن ئه‌توانین وكێ یارمه‌تیمان ئه‌دات به‌رامبه‌ر به‌ولافاوه‌ی‌ كفر بوه‌ستین ؟
و/پ4 ـــ ئه‌ڵێم خوای گه‌وره‌ خاوه‌نی ده‌سه‌ڵات و ڕاستگۆیه‌و به‌ڵێنی خۆی ئه‌داته‌ سه‌ر جائه‌و زاته‌ ئه‌فه‌رموێت [وَأَنِ احْكُمْ بَيْنَهُمْ بِِما أَنْزَلَ اللهُ وَلا تَتَّبِعْ أَهْواءَهُمْ واحْذَرْهُمْ أَنْ يَفْتِنُوكَ عَن بَعْضِ ماأَنْزَلَ اللهُ إِلَيْكَ](سوڕه‌تی مائیده‌ ـــ 49) له‌نێوانیاندا به‌وشێوه‌ی كه‌خوا ناردویه‌تی بڕیاریان بۆبده‌و په‌یڕه‌وی ئاره‌زوه‌كانیان نه‌كه‌یت وبترسه‌ لێیان كه‌ بت ترازێنن له‌هه‌ندێ له‌وانه‌ی كه‌ بۆت ڕه‌وا نه‌كراوه‌ . وه‌ئه‌فه‌رموێت [وَدُّّوا لَوْتُدْهِنُ فَيُدْهِنُون ](سوره‌تی نون ـــ 9) ئاوات ئه‌خوازن كه‌تۆ بگونجێیت له‌گه‌ڵیاندا به‌ئه‌نجامدانی هه‌ندێ بۆچونیان جائه‌وانیش له‌گه‌ڵتا ئه‌گونجێن . ئینجا ئه‌فه‌رموێت [وَكانَ حَقاً عَلیْنا نَصْرُ المۆْمِنِینَ](سوره‌تی ڕوم ـــ47) ئێمه‌ له‌سه‌رخۆمان پێویست كردووه‌ كه‌یارمه‌تی باوه‌ڕداران بده‌ین . ئه‌مه‌و ده‌یان ئایه‌تی تر له‌مباره‌وه‌ هاتون ، به‌ڵێ له‌و ئایه‌تانه‌دا بۆمان ده‌ركه‌وت كه‌نابێ له‌یاسای خودا لابده‌ین وله‌به‌ردڵی نه‌زانان وبێ باوه‌ڕان له‌ده‌قه‌كان لابده‌ین وهه‌ندێ جاریش بۆ ڕازی كردنیان ده‌ست بكه‌ین به‌لادانیان له‌مانای خۆی و دڵنیای كردینه‌وه‌ كه‌ئه‌و یارمه‌تی باوه‌ڕداران ئه‌دات ، لێره‌دا ئه‌م پرسیاره‌ خۆی زه‌ق ده‌كاته‌وه‌ ، ئه‌گه‌ر ئه‌م مانایه‌ وایه‌ ئه‌ی بۆ ئه‌م ڕۆ موسوڵمانان ئه‌وه‌نده‌ له‌ته‌نگانه‌دان ؟ بۆیارمه‌تی نادرێن ؟
له‌وه‌ڵامدا ئه‌ڵێم قوڕئان و فه‌رمووده‌كانی پێغه‌مبه‌رمان (صلی الله علیه‌ وسلم)هه‌موو ڕاسته‌وله‌یه‌ك سه‌رچاوه‌وه‌ هاتون ونابێ به‌گوێی هه‌ندێكی بكرێت وهه‌ندێكی پشت گوێ بخرێت و چاوه‌ڕووانی به‌رهه‌می لێبكه‌یت به‌ڵكو ئه‌بێ چاوه‌ڕوانی سزای خوابكه‌یت وه‌كو له‌ئایه‌تی (85)سوڕه‌تی به‌قه‌ڕه‌ سه‌باره‌ت به‌جوله‌كه‌كان ئه‌فه‌رموێت: [أَفَتُؤْمِنُونَ بِبَعْضِ الكِتابِ وَتَكْفُرُونَ بِبَعْضٍ فَماجَزاءُ مَنْ يَفْعَلُ ذالِكَ مِنْكُمْ إِلاّ خِزْيٌ في الحَياةِ الدُّنْيا وَيَوْمَ القِيامَةِ يُرَدُُّونَ إِلى أَشَدِّ العَذابِ وما اللهُ بِغافِلٍ عمّا تَعْمَلُون]. ئایا باوه‌ڕتان هه‌یه‌ به‌هه‌ندێك له‌و په‌ڕا وه‌و بێ باوه‌ڕن به‌هه‌ندێكی ئه‌وسا پادا شتی ئه‌وكه‌سه‌ی له‌ئێوه‌ ئاوه‌ها ئه‌كات هیچ نیه‌ جگه‌ له‌سه‌ر شۆڕی له‌ژیانی دونیادا وڕۆژی قیامه‌تیش بۆ توندترین سزا ده‌برێنه‌وه‌و خودا بێ ئاگانیه‌ له‌وه‌ی كه‌ ئێوه‌ ده‌یكه‌ن .هه‌روه‌ها خودا له‌ئایه‌تی (40) هه‌مان سوڕه‌تدا ده‌فه‌رموێت [وَأَوْ فُوا بِعَهْدِی أُوفِ بِعَهْدِكُمْ وَإِیّاێ فَارْهَبُونِ] ئه‌وپه‌یمانه‌ی كه‌ به‌منی ئه‌ده‌ن جێ به‌جێی بكه‌ن منیش ئه‌و په‌یمانه‌ی كه‌پێم داون جێبه‌جێی ئه‌كه‌م وته‌نها له‌من بترسن . لێره‌دا ده‌ركه‌وت كه‌پشتگوێ خستنی هه‌ندێك له‌یاساكانی خودا ، یه‌كه‌م ئه‌بێ هه‌روا بین كه‌ ئه‌یبینین كه‌ له‌دونیادا سه‌رشۆڕبین ئیتر باسزای قیامه‌تیش له‌ولا بوه‌ستێت ، دووهه‌م ، لادان وكارشكێنی ئێمه‌یه‌ له‌وعه‌هدوپه‌یمانه‌ی كه‌به‌خوامان داوه‌ كاتێ كه‌ ئیسلاممان قه‌بوڵ كردووه‌ به‌و په‌یمان شكاندنه‌ش به‌رگریمان له‌هاتنه‌دی به‌ڵێنه‌كانی خودا كردووه‌ ، سێهه‌م ، داوای لێ كردوین هه‌رله‌وبترسین به‌ڵام ئێمه‌ به‌داخه‌وه‌ هه‌رله‌وناترسین له‌ هه‌موو ده‌نگێك ئه‌ترسین و هه‌رله‌به‌ر ئه‌وترسه‌یه‌ كه‌ئه‌و هه‌موو سه‌رشۆڕیه‌مان تووش بووه‌ ، خوای گه‌وره‌ له‌ئایه‌تی (46)ی سوڕه‌تی ئه‌نفال دا ئه‌فه‌رموێ [په‌یڕه‌وی له‌خواو له‌ پێغه‌مبه‌ره‌كه‌ی‌(صلی الله علیه‌ وسلم) بكه‌ن و ناكۆكی دروست نه‌كه‌ن چونكه‌ شكست ئه‌خۆن] ئێمه‌ ئه‌مانه‌وێ به‌ناكۆكی و چه‌ند ده‌سته‌یی و دژی قورئان قورئان بگێڕینه‌وه‌ بۆ گۆڕه‌پانی ئیش پێكردن وبه‌دژی بڕیاری خوا سه‌ركه‌وتن وسه‌رفرازی به‌ده‌ست بهێنین ؟؟!! به‌ڕاستی بۆچونێكی زۆر هه‌ڵه‌و پڕ مه‌ترسیه‌ به‌رهه‌میشی له‌وه‌ی كه‌ تێیداین خۆشترو چاكتر نابێ ، خوا له‌سوڕه‌تی( محمد) ئایه‌تی (7)دا ئه‌فه‌رموێت [يا أَيُّها الَّذينَ آمَنُوا إِنْ تَنْصُرُوا اللهَ يَنْصُرْكُمْ وَيُثَبِّتْ أَقْدامَكُمْ]ئه‌ی باوه‌ڕداران ئه‌گه‌ر ئێوه‌ یارمه‌تی دینی‌ خوا بده‌ن خودایش یارمه‌تیتان ئه‌دات وبته‌وو به‌هێز ترتان ئه‌كات له‌سه‌رئایین وخۆڕاگری .
به‌ڵێ : یه‌كێك له‌ومه‌رجه‌ گرنگانه‌ی كه‌خوا به‌ ڵێنی داوه‌ ئه‌گه‌ر ئه‌نجامی بده‌ین یارمه‌تیمان بدات ئه‌وه‌یه‌ كه‌ ئێمه‌ ڕاست مه‌به‌ستمان به‌رز كردنه‌وه‌ی ئایینی خوابێت نه‌ك ئه‌م مه‌به‌سته‌ پیرۆزه‌ تێكه‌ڵاو بكرێت له‌گه‌ڵ شتی تردا وه‌كو بته‌وو به‌هێزكردنی حیزبه‌كه‌ی و به‌ده‌ ست هێنانی پله‌و پایه‌ی دونیاو سه‌روه‌ت و سامان كه‌ ئه‌م دوانه‌ی دوایی ئه‌گه‌ر مه‌به‌ست نه‌بن و نه‌كرێن به‌ئامانج وخودا خۆی به‌خشی به‌مرۆڤ و مرۆڤیش توانی به‌گوێره‌ی فرمانی خوا مامه‌ڵه‌یان له‌گه‌ڵ بكات باشه‌ زیانی نیه‌ ، ئه‌گینا هه‌ركام له‌مانه‌ تێكه‌ڵاو كرا به‌و مه‌به‌سته‌پیرۆزه‌ و باش و خراپ له‌ناخی دا جێگای خۆی كرده‌وه‌ خوائه‌یداته‌ ده‌ست خۆی و یارمه‌تی نادات ئه‌گه‌ر به‌سونه‌تێكی كه‌ونیش سه‌ركه‌وتن به‌ده‌ست بهێنن سه‌ره‌نجام داڕمان وتێدا چوونه‌و سزای دواڕۆژیش هه‌رخوا خۆی ده‌زانێ چی له‌گه‌ڵ ده‌كات . جا ئه‌گه‌ر ئێمه‌ ئیسلاممان مه‌به‌سته‌و و خۆشبه‌ختی خۆمان و خه‌ڵكمان ئه‌وێ پێشه‌كی ئه‌بێ هه‌ركه‌س له‌خۆیه‌وه‌ ده‌ست پێ بكات وله‌و هه‌ڵه‌و تاوانانه‌ی كه‌پشتی موسوڵمان ئه‌شكێنێ ته‌وبه‌ بكه‌ین و ده‌ست به‌ئایینی خوداوه‌ بگرین وبه‌ش به‌ ش و خه‌ت نه‌بین ومه‌به‌ستمان ته‌نها ڕه‌زامه‌ندی خوابێت و یه‌كترمان خۆش بوێت وئه‌وه‌ی له‌ تواناماندا هه‌یه‌ بێ فێڵ وفڕ ئه‌نجامی بده‌ین و ئه‌وه‌یش له‌تواناماندا نیه‌ ده‌ست به‌لار كردنه‌وه‌ و ته‌ئویل كردن نه‌كه‌ین و دوعای خێر له‌پاش مله‌ بۆیه‌كتر بكه‌ین پێشوانی خۆمان له‌دوعای خێر بێبه‌ش نه‌كه‌ین وڕێزو ئیحتیڕا میان بۆ دابنێین وبه‌ڕاستی پشت به‌خوا ببه‌ستین و ته‌نگو چه‌ڵه‌مه‌كانی ژیانمان به‌تاقی كرنه‌وه‌ی ئه‌وزاته‌ بزانین و وریابین له‌و تاقی كردنه‌وانه‌دا خۆمان نه‌دۆڕێنین دڵنیابن سه‌رئه‌نجام سه‌ركه‌وتن بۆ پارێزگارانه‌ و به‌ڵێنی خودایه‌و دێته‌ جێ[وَالْعاقِبَةُ لِلْمُتَّقين]پاشه‌ ڕۆژ هی پارێز گارانه‌. هه‌روه‌ها خودا دڵنه‌وا یمان ئه‌كات و ئه‌فه‌رموێت [وَاللهُ أَعْڵمُ بِأَعْدائِكُمْ وَكَفی‌ بِاللهِ وَلِیّاً وَكَفی‌ بِاللهِ نَصِیراً]خودا ئاگادارتره‌ به‌ دوژمنه‌كانتان وبه‌سه‌ كه‌خودا دۆستتان بێت و به‌سه‌ بۆتان كه‌ خودا یارمه‌تی ده‌رتان بێت . (سوره‌ نسا‌و ــ 45)هه‌روه‌ها هه‌ڕه‌شه‌ له‌بێ باوه‌ڕانی‌ ده‌سه‌ڵات دار ئه‌كات و ئه‌فه‌رموێت[وَ لايَحْسَبَنَّ الَّذِينَ كَفَرُوا سَبَقُوا إِنَّهُمْ لايُعْجِزُون] (الانفال ـــ 59) بائه‌وانه‌ی كه‌بێ باوه‌ڕن واگومان نه‌كه‌ن كه‌پێشكه‌وتون وبه‌ ڕاستی ئه‌وان له‌ده‌ست خودا ده‌رناچن . هه‌روه‌ها داوا له‌ ئێمه‌ ئه‌كات كه‌توانایی خۆمان به‌كاربهێنین وئه‌فه‌رموێت [ وَ أَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِباطِ الخَيْلِ تُرْهِبُونَ بِهِ عَدُوَّاللهِ وَعَدُوَّكُمْ وَآخَرِينَ مِنْ دُونِهِمْ لاتَعْلَمُونَهُمُ اللهُ يَعْلَمُهُمْ](الانفال ـــ 60)ئاماده‌ی بكه‌ن ئه‌وه‌ی كه‌له‌تواناتان دایه‌ له‌هێزو له‌به‌ستنه‌وه‌و خزمه‌ت كردنی چاره‌وێكان به‌وه‌ دوژمنانی خواو خۆتانی پێ بترسێنن وكه‌سانی ترجگه‌له‌وانیش كه‌ئێوه‌ پێیان نازانن خودا پێیان ئه‌زانێت .
به‌ڵێ : ئێمه‌ ئه‌و ئه‌ركانه‌ی خۆمان به‌گوێره‌ی توانا ئه‌نجام بده‌ین و ئه‌وه‌یه‌ ئیشی ئێمه‌ی موسوڵمان ، سه‌ركه‌وتن وژێر كه‌وتن به‌ده‌ست خودایه‌ وئیسلام نیعمه‌ته‌ وه‌كو باران جا ئه‌گه‌ر خوا ئه‌و خه‌ڵكه‌ به‌شایسته‌ی ئه‌و نیعمه‌ته‌ بزانێت ئیسلامی‌ بۆ سه‌قام گیر ئه‌كات وپه‌یڕه‌وانی نه‌ترس وبه‌ وره‌ ئه‌كات و هه‌رچه‌ند كه‌میش بن هه‌ر سه‌ریان ئه‌خات به‌ڵام ئه‌گه‌ر ئه‌و خه‌ڵكه‌ شایسته‌ی ئه‌ونیعمه‌ته‌ نه‌بن ئه‌وه‌ خودا نیعمه‌تی‌ ئیسلامیان پێنادات هه‌رچه‌ند ژماره‌ی موسوڵمانانیش زۆر تربێت واته‌بائێمه‌ له‌ بیری بیروباوه‌ڕو كارو كۆششێك دابین كه‌به‌ ئێمه‌ سپێردراوه‌و ئه‌و ڕێك وپێك بكه‌ین وده‌ست له‌كاری خودا نه‌ده‌ین وبه‌ناڕه‌وا خۆمان نه‌كه‌ین به‌خاوه‌نی ، ئه‌وه‌ تا خودا ئه‌فه‌رموێت[وَتِلْكَ الایّامُ نُداوِلُها بَیْنَ النّاس( ئالی عمران 140)ئه‌م ڕۆژگارانه‌ ئێمه‌ین كه‌جێ گۆڕكه‌ی پێ ئه‌كه‌ین له‌نێوان خه‌ڵكدا . هه‌روه‌ها فرمان به‌پێغه‌مبه‌ره‌كه‌ی (صلی الله‌ علیه‌ وسلم)ئه‌كات وئه‌فه‌رموێت [قُلِ اللهُمَّ مَالِكَ المُلْكِ تُؤْتِي المُلْكَ مَنْ تَشاءُ وَتَنْزِعُ المُلْكُ مِمََّنْ تَشاءُ وَتُعِزُّ مَنْ تَشاءُ وَتُذِلُّ مَنْ تَشاءُ بِيَدِكَ الخَيْرُ إِنَّكَ عَلى كُلِّ شيءٍ قَدِيَر](ئالي عيمران ــ26) بڵێ ئه‌ی خودایه‌ ، خاوه‌نی هه‌موو ده‌سه‌ڵات ، ده‌سه‌ڵات وده‌وڵه‌ت ئه‌ده‌یت به‌وكه‌سه‌ی ئاره‌زووت لێیه‌ و ئه‌یسێنیته‌وه‌ له‌وكه‌سه‌ی كه‌ ئاره‌زووت لێیه‌ وئه‌و كه‌سه‌ی ئاره‌زووت لێبێت به‌هێزی ئه‌كه‌یت و سه‌رشۆری‌ ئه‌كه‌یت ئه‌و كه‌سه‌ی كه‌ ئاره‌زووت لێیه‌ ، هه‌موو چاكه‌یه‌ك به‌ده‌ست تۆیه‌ ، بۆیه‌ به‌ڕاستی تۆ توانات به‌سه‌رهه‌موو شتێكدا هه‌یه‌ .
برایانم :
نوح به‌چی سه‌ركه‌وت ؟ لوت چ هێزێك پشتیوانی لێ كرد؟ موسا كێ گه‌وره‌ی كردو فیرعه‌ون چی به‌سه‌رهات ؟یونس له‌سكی ماسی دا كێ پاراستی وكێ هێنایه‌وه‌ سه‌رزه‌وی ؟ شه‌وی كۆچی پێغه‌مبه‌رمان(صلی الله علیه‌ وسلم)له‌مه‌ككه‌وه‌ كێ گه‌مارۆی دابوو ؟كێ ڕزگاری كرد ؟ بۆچی پێغه‌مبه‌رمان (صلی الله‌ علیه‌ وسلم)په‌نای نه‌برد بۆیه‌كێك له‌و دوو ده‌وڵه‌ته‌ گه‌وره‌ی ئه‌و سه‌رده‌مه‌ و له‌و ناكۆكیه‌ سودی دنیای لێ وه‌رنه‌گرت ؟
ئایه‌ ئه‌گونجێت بڵێین : ئێمه‌ له‌و زیره‌ك ترو سیاسه‌ت زانترو واقیع ناسترین ؟!
برایانم :
بیربكه‌نه‌وه‌و له‌خوابترسن هه‌ڵه‌ له‌هه‌ركوێدا لێی بگه‌ڕێیته‌وه‌ قازانجه‌ . یه‌ك بگرن وئیسلام وموسوڵمانیه‌تی دروشمتان بێت و واز له‌و وشانه‌بهێنن كه‌له‌ یه‌كتر جیامان ئه‌كاته‌وه‌و خوا خاوه‌نی یه‌ك ڕێگاو یه‌ك حیزب ویه‌ك ده‌ستورو به‌رنامه‌یه‌و ڕازی نیه‌ په‌یڕه‌وانی به‌ش به‌ش وپارچه‌ پارچه‌ بن وه‌كو هاتووه‌ له‌و ئایه‌ت وفه‌رموودانه‌ی كه‌له‌ پێشه‌وه‌ هه‌ندێكمان باسكردن . پێغه‌مبه‌رمان (صلی‌ الله علیه‌وسلم) ئه‌فه‌رموێت :[ لاتَدْخُلُ الْجَنَّةَ حَتّى تُؤْ مِنُوا وَلاتؤْمِنُوا حَتّى تَحَابُّوا] واته‌ : ناچنه‌ به‌هه‌شته‌وه‌ هه‌تا باوه‌ڕنه‌هێنن و باوه‌ڕ ناهێنن هه‌تا یه‌كترتان خۆش نه‌وێت . ئایه‌ ئه‌م خه‌ت وپه‌ته‌ی ئه‌مڕۆ دۆستایه‌تی وخۆشه‌ویستی دروست كردووه‌ یادوژمنایه‌تی وڕق له‌یه‌ك بوونه‌وه‌ ؟ ده‌ی ئیتر تاكوێ هه‌ر له‌سه‌ر تاوان ڕۆیشتن وخواردنه‌وه‌ی ژاراوی ئه‌وتاوانانه‌ ؟!
خوای گه‌وره‌ جوان ئه‌فه‌رموێت [إِنَّ في ذالِِكَ لَذِكْرى لِمَنْ كَانَ لَه ُقَلْبٌ أَوْ أَلْقى السَّمْعَ وَهُوَشَهِيدُ]صدقت يااله العالمين والصلاة والسلام على رسولك الامين. به‌ڵێ به‌ڕاستی‌ خاوه‌نی‌ دڵی‌ وریا وخواناس وگوێ گری به‌په‌رۆشی بۆ ئایین وبۆ خه‌ڵك سودله‌ئامۆژگاریه‌ چاكه‌كان وه‌رئه‌گرێت .
تێبینی : ئایا ئه‌گونجێت كه‌سانێك هه‌بن له‌م ژیانه‌ی‌ دونیادا ئه‌وه‌نده‌ نه‌زان بن كه‌یارمه‌تی‌ كه‌سێك بده‌ن بۆئه‌وه‌ی‌ سه‌ری بخه‌ن به‌سه‌ری‌ خۆیاندا ؟؟!! وه‌یایارمه‌تی‌ بده‌ن بۆئه‌وه‌ی‌ دژایه‌تیان بكات ؟!
پ/5 ـــ ئه‌گه‌ر له‌ڕێگای دیموكڕاتیه‌وه‌ هه‌نگاو هه‌ڵگرین بۆ گه‌یشتن به‌ ئامانجه‌كانمان بۆچی تاوانه‌ ؟
و/پ5 ـــ پێشه‌كی ئه‌بێ ئه‌وه‌ بزانین كه‌ دیموكڕاتی واته‌ ، ڕه‌ئی گه‌ل ، ئیسلام ، واته‌ ، ته‌سلیم بوون به‌خودا له‌به‌رنامه‌ی دیموكڕاتیدا باوه‌ڕ به‌ئولوهیه‌تی خودا نیه‌و گه‌ل خۆی سه‌رپشكه‌ له‌دانانی به‌رنامه‌ی ژیاندا و په‌ڕله‌مان وده‌سه‌ڵاتی قه‌زای و ده‌سه‌ڵاتی به‌ڕێوه‌بردنی هه‌یه‌ به‌ڵام له‌ئیسلام دا په‌ڕله‌مان واته‌ ده‌سه‌ڵاتی یاسادانان نیه‌ چونكه‌ یاسا هی خوایه‌و دانراوه‌و بۆ كه‌س نیه‌ مل پێچی بكات به‌س ده‌سه‌ڵاتی قه‌زایی و ڕاپه‌ڕاندن هه‌یه‌ ، ئیسلام نه‌هاتووه‌ بۆ ئه‌وه‌ی‌ خه‌ڵك بڵێن خودا هه‌یه‌ یان خالیقه‌ یان مالیكه‌ چونكه‌ بت په‌رسته‌كانی سه‌رده‌می هاتنی پێغه‌مبه‌رمان (صلی الله علیه‌ وسلم) باوه‌ڕیان هه‌بوو كه‌ خواهه‌یه‌و دروست كه‌ری جیهانه‌و مالیكه‌و په‌نا ده‌ره‌و په‌نای لێ نادرێت و خاوه‌نی عه‌ڕشی گه‌وره‌یه‌ ئه‌وه‌تا قوڕئان له‌و سه‌رده‌مه‌دا ئه‌فه‌رموێ[وَلَئِنْ سَأَلْتَهُمْ مَنْ خَلَقَ السَّمَوَاتِ وَالأَرْضَ لَيَقُولُنَّ خَلَقَهُنَّ العَزِيزُ الْعَلِيمُ] (الزخرف ــ 9) ئه‌گه‌ر پرسیاریان لێبكه‌یت كه‌ كێ ئاسمانان و زه‌وی دروست كردووه‌ ئه‌ڵێن به‌توانا وزانا دروستی كردووه‌ . هه‌رله‌م سوڕه‌ته‌ دا له‌ئایه‌تی (87)دا ئه‌فه‌رموێت[وَلَئِنْ سَأَلْتَهُمْ مَنْ خَلَقَهُمْ لَيَقُولُنَّ اللهُ فَأَنَّى يؤْفَكُون]ئه‌گه‌ر پرسیاریا ن لێبكه‌یت كه‌كێ دروستی كردوون به‌دڵنیاییه‌وه‌ ئه‌ڵێن : خودا ده‌ی بۆپشتی تێ ئه‌كه‌ن و درۆ ئه‌كه‌ن . وه‌له‌سورتی مۆمنون دا ئایه‌تی (84 تا 89ا)دا ئه‌فه‌رموێت : بڵێ زه‌وی و ئه‌وه‌ی له‌ناویدایه‌ هی كێیه‌ ؟به‌زوویی ئه‌ڵێن : هی خودایه‌ ، بڵێ ده‌ی ئایا بیر ناكه‌نه‌وه‌ ؟! بڵێ كێ په‌روه‌ردگاری هه‌ر حه‌وت ئاسمانه‌كانه‌و په‌روه‌ردگاری عه‌رشی گه‌وره‌ یه‌ ؟ به‌ زوویی ئه‌ڵێن هی خودایه‌ ، بڵێ ئایا ناترسن له‌وخوایه‌ ؟! بڵێ خاوه‌نێتی هه‌مووشت به‌ده‌ست كێیه‌ ؟! و ئه‌و په‌نا ئه‌دات وهیچی لێ په‌نا نادرێت ئه‌گه‌ر ئه‌زانن ؟! به‌م زوانه‌ ئه‌ڵێن هی خوایه‌ ، بڵێ ده‌ی چۆن چاوبه‌س وجادوتان لێ كراوه‌ ؟! .
به‌ڵكو ئه‌و بت په‌رستانه‌ ئه‌یان وت [مَا نَعْبُدُهُمْ إِلاّ لِیُقَرِّبُونا إِلی‌ اللهِ زُلْفی‌]ئه‌وانه‌ ناپه‌رستین مه‌گه‌ر بۆئه‌وه‌ی نزیكمان بكه‌نه‌وه‌ به‌نزیك كردنه‌وه‌ له‌خوا ]واته‌ كافران له‌ ربوبیه‌تی خودا دا هیچ گومانیان نه‌بووه‌ به‌س دانیان به‌ئولوهیه‌تی خودا دا نه‌ناوه‌و پێغه‌مبه‌ریشمان ماوه‌ی سیانزه‌ ساڵ له‌مه‌ككه‌ دا هه‌وڵی داوه‌ كه‌ ئولوهیه‌تی خودا له‌دڵه‌ كاندا بچه‌سپێنێت وبه‌رنامه‌كه‌ی (لاخالق الاالله ولامالك الاالله ولا عزیز الاالله ولاعلیم الاالله )نه‌بووه‌ به‌ڵكو (لااله‌ الاالله‌ )بووه‌ واته‌ هیچ فرمان ڕه‌واو بڕیارده‌رو به‌ندایه‌تی بۆكراوێكی ڕاسته‌قینه‌ نیه‌ جگه‌ له‌(الله)واته‌ كه‌سێك له‌گه‌ڵ وشه‌ی(لااله‌ الاالله‌ ). ڕاست ئه‌كات كه‌هیچ ئیش وقسه‌یه‌ك نه‌كات و بڕیارێك نه‌دات له‌ژیانیدا هه‌تا له‌خوداوه‌ له‌ڕێگه‌ی قوڕئان وفه‌رمووده‌ی پێغه‌مبه‌رمانه‌وه‌ ـــ صلی الله علیه‌ وسلم ـــ بۆی بڕیارنه‌درێت وه‌ئه‌وه‌یش ‌ئه‌نجامیدا له‌سه‌ر ئه‌و بڕیارە لەكاتێكدا كە كه‌سی تری تێدا شه‌ریك نه‌كات [مَا نَعْبُدُهُمْ إِلاّ لِيُقَرِّبُونا إِلى اللهِ زُلْفى] (البینه‌ ــ 5) بڕیاریان به‌سه‌را نه‌درا وه‌ مه‌گه‌ر بۆ ئه‌وه‌ی به‌ندایه‌تی خودابكه‌ن و ئاینیان بۆ ئه‌وخاوێن بكه‌نه‌وه‌ ، له‌هه‌موو تاریكیه‌ك لاده‌ن . وه‌ئه‌فه‌رموێت [قُلْ أَفَغَیْرَ اللهِ تَأْمُرُونِّی أَعْبُدُ أَیُّهَا الجاهِلُون](الزمر ـــ64) بڵێ ئایا به‌قسه‌ی ئێوه‌ بۆ جگه‌ له‌خوا به‌ندیه‌تی بكه‌م ئه‌ی‌ نه‌زانه‌كان ؟ وه‌ئه‌فه‌رموێت [أَلا لهُ الخَلْقُ والامْرُ](الاعراف ـــ 54)ئاگاداربن هه‌ربۆ ئه‌وه‌ دروست كردن وفرماندان . وه‌ئه‌فه‌رموێت [وَرَبُّكَ يَخْلُقُ مايَشاءُ وَيَخْتارُ ماكانَ لَهُمُ الخِيَرَةُ سُبْحَانَ اللهِ عَمَّا يُشْرِكُون] (القصص ــ 68).په‌روه‌ردگارت ئه‌وه‌ی كه‌ ئاره‌زووی‌ لێ بێت دروستی ئه‌كات وهه‌ڵی ئه‌بژێرێت وبۆئێوه‌ نیه‌ هه‌ڵبژاردن ، پاك وبێ عه‌یبی بۆ خواو باشكۆو بێ نیازه‌یه‌ له‌وه‌ی كه‌ئه‌یكه‌ن به‌هاوبه‌شی . ئه‌مانه‌و ده‌یان ئایه‌تی تر ئه‌و ڕاستیه‌ مان بۆڕوون ئه‌كاته‌وه‌ كه‌ مرۆڤ له‌م بونه‌وه‌ره‌ دا بۆی نیه‌ یاساوبه‌رنامه‌ی جگه‌ له‌خودا هه‌ڵبژێرێت به‌ڵكو ئه‌بی گوێڕایه‌ڵ و ئه‌نجام ده‌ری بڕیاره‌كانی خودای زاناو دانابێت ، ئه‌گینا هه‌ردوو ژیانی لێ تاڵ ئه‌بێت وڕۆژی دواییش به‌كوێری حه‌شر ده‌كرێت وه‌كو له‌سوڕه‌تی (گه )دا له‌ئایه‌تی (124 تا 127)و له‌سوڕه‌تی (ێ‌ل عمران)له‌ئایه‌تی (85 تا 91)و له‌ سوڕه‌تی (الفرقان) له‌ئایه‌تی (27 تا 31)دا هاتووه‌ .جا هه‌ركه‌سێ كه‌ ئولوهیه‌تی خوای قه‌بوڵ كرد نابێ باوه‌ڕی به‌دیموكراتی هه‌بێت چونكه‌ دووشتی دژبه‌یه‌كن وه‌كو له‌پێشه‌وه‌ زانیت هه‌ركامیانت به‌ڕاستی هه‌ڵبژارد ئه‌ویتریانت به‌جێ هێشتووه‌ چونكه‌ له‌بنه‌ڕه‌ت دا دژی یه‌كترن وبه‌یه‌كه‌وه‌ نایانكرێت چونكه‌له‌دیموكڕاتیدا یاساهه‌رهی به‌شه‌ره‌ وخودا هیچ به‌شێكی تێدا نیه‌و له‌ئیسلام دا هی خودایه‌ وبه‌شه‌ر هیچ به‌شێكی تێدانیه‌ . جابۆسه‌قام گیر كردنی یاسای خوانابێت له‌ڕێگه‌ی نامه‌شروعه‌وه‌ هه‌نگاوی بۆبنرێت وتراوه‌ (الغایه‌ لاتبرر الوسیله‌ ) ئامانج هۆچاك ناكات و نابێ بۆ ئامانجی باش ڕێگه‌ی خراپ به‌كاربێت هیوادارم كه‌ئه‌مه‌ به‌س بێت بۆ وه‌ڵامی پرسیاری شه‌شه‌م .
پ/6 ـــ ئه‌ی‌ پێویست نیه‌ له‌گه‌ڵ واقیعدا بگونجێین ؟ وه‌ئه‌گه‌ر واز له‌جێبه‌جێ كردنی هه‌ندێ یاسا بهێنین تاهه‌لی بۆده‌ره‌ِخسێ بۆچی تاوانه‌ ؟
و/پ6 ـــ نه‌خێر نابێ موسوڵمان له‌گه‌ڵ واقیعی خراپ دا بگونجێت .
برایانم :
ئێمه‌ی موسوڵمان له‌م سه‌رده‌مه‌دا له‌واقیعێكی خراپ و دژی خودا وپێغه‌مبه‌رو ئایینی ئیسلام دائه‌ژین ئه‌گه‌رچی به‌ناو موسوڵمانین وله‌ناو موسوڵمان و له‌وڵاتی ئیسلامیدا ئه‌ژین ، ئه‌ركی سه‌رشانی خاوه‌ن باوه‌ڕانی ڕاسته‌قینه‌ ئه‌وه‌یه‌ كه‌ هه‌وڵ بدات بۆ گۆڕاندنی وا قیعی خراپ به‌گوێره‌ی توانای و له‌تێكه‌ڵاوبونی خراپه‌كانی‌ سه‌رده‌م خۆی بپارێزێت ، ئه‌گه‌ر چاكت پێ ناكرێت و شتێكت پێ ناگۆڕێت مادام به‌گوێره‌ی توانات هه‌وڵت بۆدا ئیتر تاوانبارنیت به‌ڵام نابێ تاوان و شتانی دژی ئایین په‌سند بكه‌یت وئه‌نجامیان بده‌یت بۆ خۆ گونجاندن وڕازی كردنی دڵی بێ باوه‌ڕان وپاساوی بده‌یت به‌هێنانه‌وه‌ی هه‌ندێ به‌ڵگه‌ی بێ به‌ڵگه‌و قسه‌ی ڕوخۆشی‌ ناو ڕزیو چونكه‌ خوای گه‌وره‌ ئه‌فه‌رموێت [فَاتَّقُوا اللهَ مَاسْتَطَعْتُمْ] (التغابن ــ 16) له‌خودا بترسه‌ و خۆله‌دژایه‌تی فرمانه‌كانی بپارێزه‌ تا ئه‌و جێگایه‌ی كه‌توانات هه‌یه‌ . پێغه‌مبه‌رمان (صلی الله علیه‌ وسلم)ئه‌فه‌رموێ[إِذا أَمَرْتُكُمْ بِأَمْرٍ فَأْتُوا مِنْهُ مَاسْتَطَعْتُمْ وَإِذا نَهَيْتُكُمْ عَنْ شَيءٍ فَاجْتَنِبُوا مِنْهُ] هه‌ركاتێك فه‌رمانم پێ كردن بۆ ئه‌نجامدانی شتێك تا ئه‌وجێگایه‌ی كه‌ ئه‌توانن ئه‌نجامی بده‌ن وهه‌ر كاتێكیش به‌رگریم كردن له‌شتێك لێی دوور بكه‌ونه‌وه‌. (متفق علیه‌) واته‌ : له‌شته‌ قه‌ده‌غه‌ كراوه‌كان ئه‌بی دوور بكه‌وینه‌وه‌ ، لێره‌ نه‌به‌سراوه‌ به‌ تواناوه‌ چونكه‌ نه‌كردنه‌ سوكه‌ جائه‌بی ئه‌نجام نه‌درێن كه‌واته‌ ئه‌گه‌ر توانای چاكه‌كردنت نییه‌ له‌هه‌موو خراپه‌وتاوان ئه‌نجامدان خۆت بپارێزه‌ وئه‌مه‌یه‌ بڕیاری ئایین بۆتۆی موسوڵمان ئیتر چۆن ئه‌بی خۆت به‌ده‌ستی واقیعی فه‌ساده‌وه‌ بده‌یت و وه‌كو پوش بابیبات هه‌رسات وكاتێك ڕووت به‌ره‌ولایه‌ك ئه‌كه‌ن وبه‌ره‌و جێگایه‌كت ئه‌به‌ن وهه‌رلێشت ڕازی نابن هه‌تا نه‌چیته‌ سه‌ربیرو ڕایان ، وه‌كو خوای گه‌وره‌و زانا ئه‌فه‌رموێت [وَلَنْ تَرْضَى عَنْكَ الْيَهُودُ وَلاالنَّصَارى حَتَّى تَتَّبِعَ مِلَّتَهُمْ]هه‌رگیز جوله‌كه‌و گاور لێت ڕازی نابن هه‌تا شوێن ئایینه‌كه‌یان نه‌كه‌ویت . [قُلْ إِنَّ هُدی‌ اللهِ هُوَ الهُدی‌] ئه‌ی‌ محمد (صلی‌ الله‌ علیه‌ وسلم)بڵێ : هه‌ر ڕێنمایی خودا ڕێنماییه‌ . [وَلَئِنِ اتَّبَعْتَ أَهْوَاءَهُمْ بَعْدَ الَّذي جَاءَكَ مِنَ العِلْمِ مَالَكَ مِنَ الله مِنْ وَلِيٍّ وَلا نَصْير](البقرة ـــ 120) جائه‌وسا ئه‌گه‌ر تۆ په‌یڕه‌وی له‌ئاره‌زواتی ئه‌وان بكه‌یت پاش ئه‌وه‌ی كه‌له‌و زانیاریه‌ی خوداشتێكت پێ گه‌یشتووه‌ ئیتر له‌لایه‌ن خوداوه‌ بۆتۆ هیچ دۆستێك وهیچ یارمه‌تی ده‌رێكت نیه‌ . هه‌ر ئه‌م ئایه‌ته‌پیرۆزه‌ نه‌خشه‌ی ڕێگای كاروكۆششی موسوڵمانی دیاری كردووه‌ وپێویسته‌ موسوڵمان به‌چاكی په‌یڕه‌وی لێوه‌بكات و خۆی به‌ده‌ست وا قیعه‌وه‌نه‌دات چونكه‌ ئاوه‌های لێدێت ، واته‌ لێی ڕازی نابن تانه‌یكه‌ن به‌جوله‌كه‌ یان گاور وئه‌گه‌ر وایشی كرد خودا له‌ دۆستایه‌تی خۆی ده‌ری ئه‌كات ویارمه‌تی نادات ، هه‌روه‌ها فه‌رموویه‌تی [ئه‌گه‌ر مه‌یلی دڵتان كردبۆلای سته‌م كاردا ئاگر ئه‌تانگرێته‌وه‌و له‌لایه‌ن خوداوه‌ هیچ دۆستێكتان نیه‌ وپاشانیش یارمه‌تی نادرێن ((وَلاَ تَرْكَنُوا إلى الَّذيِنَ ظَلَمُوا فَتَمَسَّكُمُ النّارُ وَمَا لَكُمْ مِنْ دُونِ اللهِ مِنْ أَوْلِياء ثًمَّ لاتُنْصَرُون)). موسوڵمانی ڕاسته‌قینه‌ هه‌ڵگری په‌یامی خودایه‌و خه‌یری لایه‌ بۆمرۆڤایه‌تی به‌گشتی و پێویسته‌خۆی به‌پاكی وخاوێنی ڕابگرێت وده‌وروبه‌رو هات ونه‌هات كاری تێنه‌كات وچرایه‌ك بێت بۆ مرۆڤایه‌تی هه‌موی و سودی لێ وه‌رگیرێت له‌ فه‌رمووده‌ی پێغه‌مبه‌رماندا (صلی الله علیه‌ وسلم)هاتووه‌ كه‌ ئه‌بێ وه‌كو نیشانه‌یه‌كی دیاری وابن له‌نێوان خه‌ڵك دا بۆئه‌وه‌ی كه‌ خه‌ڵك بتان ناسێت وسودتان لێوه‌ربگرێت [كُونُوا كالشامه‌ بین الناس]وه‌ ئه‌فه‌رموێت [وَلاَ تَكُونوا إِمَّعَه‌]ئێوه‌ وانه‌بن له‌گه‌ڵ خه‌ڵكدا بن خه‌ڵك هه‌رچی كرد ئێوه‌یش ئه‌وه‌بكه‌ن به‌ڵكو ئه‌گه‌ر خه‌ڵك چاكه‌ی كرد له‌گه‌ڵیاندابن وه‌ ئه‌گه‌ر خراپه‌یان كرد تاده‌توانن راِستیان كه‌نه‌وه‌ كه‌نه‌شتان توانی به‌ناچاری لێیان دوور كه‌ونه‌وه‌ .
جائه‌مه‌ له‌كوێ وگونجان له‌گه‌ڵ واقیعێكی دۆڕا وو فاسیدی‌ ئه‌م ڕۆ له‌كوێ ؟! له‌ڕاستیدا گونجانی ئه‌مڕۆ : واته‌ دۆڕاوی و شكان وخۆته‌سلیم كردن .
له‌وه‌ڵامی به‌شی دووهه‌می پرسیاری حه‌ته‌م دا ئه‌ڵێم:
له‌پاش دامه‌زراندی ده‌سه‌ڵاتی ئیسلام ئه‌وكاته‌ بۆ ئه‌نجامدانی هه‌ر یاسایه‌ك مه‌رج یان چه‌ند مه‌رج هه‌یه‌ جائه‌گه‌ر مه‌رجه‌كان هاتنه‌دی وڕێگری تری شه‌رعی نه‌بو ئینجا ئه‌ویاسایه‌ ئه‌نجام ئه‌درێت بۆ نمونه‌ ده‌ستی دز ئه‌بڕێت به‌م مه‌رجانه‌ : 1 ـــ دزه‌كه‌ باڵغ وعاقڵ بێت ، 2 ـــ دزراوه‌كه‌ كه‌ له‌جێی خۆیدابێت هه‌رشتێك به‌گوێره‌ی عورف وباوی خۆی ، 3 ـــ دزه‌كه‌ له‌و شته‌دا به‌شی نه‌بێت ، 4 ـــ دزرا وه‌كه‌ شتێكی به‌ بایه‌خ بێت واته‌ له‌چواریه‌كی مسقاڵێك زێڕكه‌متر نه‌بێت جائه‌گه‌ر ئه‌م چوارمه‌رجه‌ی تێدا هاته‌دی و كابرا له‌به‌رناچاری و برسیه‌تیه‌كی ئاشكرا ئه‌ودزیه‌ی نه‌كردبێ . ئینجا ئه‌و یاسای ده‌ست بڕینه‌ به‌ڕێوه‌ئه‌برێت واته‌ ئه‌گه‌رئیسلامیش فه‌رمان ڕه‌وابێت هه‌ندێك له‌یاساكان ئه‌گونجێت بۆ ئه‌نجادانی پێویستی به‌هه‌ل ومه‌رجی تایبه‌ت هه‌بێت ئه‌وه‌ ناكۆكی تێدا نیه‌ به‌ڵكو ئه‌وه‌یش هه‌ر ئیسلام خۆی وای داناوه‌ ، ئه‌وه‌تا پێغه‌مبه‌رمان له‌جیهاددا تۆڵه‌ی تاوانه‌كانی نه‌ده‌ سه‌نده‌وه‌ .
پ/8 ـــ له‌ ڕوانگه‌ی‌ ئیسلامه‌وه‌ په‌ڕله‌مان چۆن سه‌یر ئه‌كرێت ؟
و/پ8 ـــ په‌ڕله‌مان ئه‌گه‌ر بۆ پرس و ڕاو گۆڕینه‌وه‌ی ڕاو بۆچونی جیا له‌یه‌ك و هه‌ڵبژاردنی كامیان له‌ڕاستی وئایینه‌وه‌ نزیكه‌ شتێكی پێویسته‌و ناوی مه‌جلیسی شوڕابێت ڕێك تره‌ ئه‌گه‌رچی ناو زۆر گرنگ نیه‌ كاروكۆششی ئه‌ومه‌جلیسه‌ جێگای سه‌رنج وبڕیارله‌سه‌ردانیه‌تی، به‌ڵام ئه‌گه‌ر په‌ڕله‌مان بۆدانانی یاسا وبه‌ر نامه‌ی ژیان بێت بۆخه‌ڵك وله‌چوارچێوه‌ی ئایینی خوا ده‌رچێت ئه‌وه‌ له‌ئیسلام دا نه‌بووه‌و نابێت وڕه‌وانیه‌ ، چونكه‌ ئیسلام خۆی یاسایه‌كی تێرو ته‌واوی هه‌یه‌ وله‌لایه‌ن خوداوه‌ دانراوه‌ وبۆكه‌س نیه‌ ده‌ستكاری بكات جگه‌ له‌ڕا ڤه‌و ته‌فسیر كردنی‌ كه‌ ئه‌ویش مه‌گه‌ر به‌ده‌گمه‌ن ئه‌گینا كه‌ڵه‌ پیاوانی ئیسلام وزانا به‌رزو به‌ڕێزه‌كان پێش سه‌دان ساڵ ئه‌وباره‌یان له‌سه‌ر شانی نه‌وه‌ی پاش خۆیان سوك وئاسان كردووه‌ خواجه‌زای خه‌یریان بداته‌وه‌ ، ته‌نها جێبه‌ جێ كردنی ئه‌وێت واته‌ له‌ئیسلام دا ده‌سته‌ یان كۆڕ یان په‌ڕله‌مانێكمان نیه‌ بۆ یاسادانان وكه‌س بۆی نیه‌ ئه‌و تاوانه‌ بخاته‌ ئه‌ستۆی خۆی چونكه‌ دژایه‌تی ده‌سه‌ڵاتی خودایه‌و له‌قوڕئانی پیرۆز دا چه‌ندین ئایه‌ت له‌م باره‌وه‌ هاتووه‌ له‌وانه‌ ئایه‌تی (48 ــ سوڕه‌تی مائیده‌)كه‌ئه‌فه‌رموێت [وَأَنِ احْكُمْ بَيْنَهُمْ بِمَا أَنْزَلَ اللهُ وَلاَتَتَّبِعْ أَهْوَاءَهُمْ وَاحْذَرْهُمْ أَنْ يَفْتِنُوكَ عَنْ بَعْضِ مَا أَنْزَلَ اللهُ إِلَيْكَ فَإِنْ تَوَلَّوْا فَاعْلَمْ أَنَّمَا يُرْيدُاللهُ أَنْ يُصِيبَهُمْ بِبَعْضِ ذُنُوبِهِمْ وَإِنَّ كَثْيراً مِنَ النَّاسِ لَفَاسِقُون]واته‌ : له‌نێوانیاندا به‌وه‌ی كه‌خوا ڕه‌وانه‌ی كرد وابڕیابده‌و نه‌كه‌ی‌ په‌یڕه‌وی ئاره‌زواتی ئه‌وان بیت ، وریابه‌ گرفتارت نه‌كه‌ن به‌هۆی دوركه‌وتنه‌وه‌ت له‌ هه‌ندێ له‌وه‌ی كه‌خوا ناردویه‌تیه‌لات جائه‌گه‌ر ئه‌وان پشتیان تێكرد ده‌بزانه‌ كه‌خوا ئه‌یه‌وێ به‌هۆی هه‌ندێ له‌تاوانی خۆیانه‌وه‌ گرفتاریان بكات و به‌ڕا ستی زۆربه‌ی خه‌ڵك له‌سنور تێ په‌ڕیون . وه‌له‌ئایه‌تی (21 ـــ سوڕه‌تی الشوری‌)دا ئه‌فه‌رموێت [أَمْ لَهُمْ شُرَكاءُ شَرَعُوا لَهُمْ مِنَ الدَّينِ مَالَمْ يَأْذَنْ بِهِ الله]
واتە :ئایه‌ هابه‌شانێكیان هه‌یه‌ كه‌ڕێبازێكی وایان بۆ دابنێت كه‌ خوا ماوه‌ی به‌وه‌ نه‌دابێت ؟ واتا بۆكه‌س نیه‌ له‌ هه‌ر پله‌و پایه‌ یه‌كدابێت كه‌یاسا بۆ خه‌ڵك دابنێت ، هه‌موو مرۆڤ دروست كرا وی خوایه‌و ته‌نها خوا به‌چاكی ئه‌یناسێت و ئه‌زانێت چی سودی ئێستاو ئاینده‌یه‌تی و هیچ كه‌س جگه‌ له‌وبۆی نیه‌ له‌و بواره‌دا هیچ هه‌نگاوێك هه‌ڵگرێت چونكه‌ ئه‌وه‌ هه‌ركه‌س وپێڕو تاقمێك هه‌بێت هیچ له‌ئایینده‌ نازانێت و یه‌كه‌م هه‌نگاوی بۆ دانانی یاسا له‌سه‌ر بناغه‌ی نه‌زانیه‌ بۆیه‌ خوای گه‌وره‌ ئه‌فه‌رموێت [أَفَحُكْمَ الْجَاهِلِيَّةِ يَبْغُون وَمَنْ أَحْسَنُ مِنَ اللهِ حُكْمَاً لِقَوْمٍ يُوقِنُون] ئایابڕیاری نه‌زا نیه‌تیان ئه‌وێ ؟! كێ هه‌یه‌ له‌خوا بڕیاری جوانتربێت بۆ گه‌لی دڵنیا به‌خوا وپاشه‌ڕۆژ ؟ ئه‌مانه‌و ده‌یان ئایه‌تی تر بۆمان ڕۆشن ئه‌كاته‌وه‌ كه‌مرۆڤ مافی یاسادانانی نیه‌ وئه‌وكاره‌ ته‌نها په‌یوه‌ندی به‌خواوه‌ هه‌یه‌ وهه‌وڵ دان بۆ یاسا دانان شه‌ڕ له‌گه‌ڵ فرمانڕه‌وایی خوادایه‌و خۆ خستنه‌ لاترازوی دژی ئه‌وزا ته‌یه‌و په‌یڕه‌وانی ئه‌ویاسایه‌ ئه‌و كه‌س یان گرۆ و تاقمه‌ ئه‌په‌رستن بزانن یانه‌زانن . له‌ڕاستیدا ئه‌م جۆره‌ په‌ڕله‌مانه‌ی كه‌ ئه‌مڕۆ جیهانی گرتوه‌ته‌ وه‌ جۆرێكه‌ له‌بت په‌رستی وتاغوت په‌رستی ، زۆرسه‌یره‌ مرۆڤ خۆی نماینده‌ی خۆی هه‌ڵ ئه‌بژێرێت و ئه‌گه‌ر به‌دڵی ئه‌و نه‌بوو جارێكی تر ده‌نگی‌ بۆ نادات ونایكات به‌ په‌ڕله‌مانتار كه‌چی یاسایه‌ك كه‌ ئه‌و جۆره‌ په‌ڕله‌مانتارانه‌ دایئه‌نێن به‌شتیكی پیرۆز ئه‌زانن وله‌سه‌ره‌وه‌ی هه‌موو شتێكه‌وه‌ دایئه‌نێن ـــ به‌قسه‌ی خۆیان ـــ ده‌ی ئه‌مه‌ چ جیاوازیه‌كی هه‌یه‌ له‌گه‌ڵ ئه‌وانه‌ی كه‌خۆیان یان نه‌قاشی چاكیان شتێكی بۆ ئه‌تاشین وڕویان تێ ئه‌كرد وگیان وماڵیان له‌پێناویدا فیدا ئه‌كرد؟! سه‌یر تر ئه‌وه‌یه‌ ئه‌م یاسا پیرۆزه‌ جاری‌ واهه‌یه‌ هه‌ر به‌مردویی له‌دایك ئه‌بێت وهیچ گوێی پێ نادرێت چونكه‌گه‌وره‌وبه‌رپرسه‌كان به‌دڵیان نیه‌ جاری‌ واش هه‌یه‌ ره‌ئیس و گه‌وره‌ی وڵات به‌بڕیارێكی تایبه‌تی خۆی ئه‌ویاسایه‌ ئه‌سڕێته‌وه‌وهه‌ندێ جاریش هه‌ر په‌ڕله‌مانتاران خۆیان ناچارن لای به‌رن یان كلك وگوێی لێ ببڕن یان بۆی زیاد بكه‌ن ، خۆ ئه‌گه‌ر نه‌وه‌ی ئه‌وان شۆڕشێكی لێ كردن ئیتر وه‌ی‌ به‌حاڵی ئه‌ویاسایه‌ .
هیوادارم به‌م چه‌ند وه‌ڵامه‌ هه‌ندێ له‌ته‌م ومژی به‌رچاوی موسوڵمانانم ڕه‌وان بێته‌وه‌و مایه‌ی خۆش به‌ختیان بێت خوای گه‌وره‌ وبه‌سۆزیش له‌میزانی چاكه‌دا بۆمنی دابنێت وله‌گوناهو هه‌ڵه‌ی هه‌موومان چاوپۆشی بكات له‌دنیادا وهه‌موومان بكاته‌وه‌ به‌یه‌ك وله‌ڕۆژی قیامه‌دا به‌ده‌ستی پێغه‌مبه‌ری ئازیزمان ئاوی كه‌وسه‌ر بخۆینه‌وه‌ وله‌فیرده‌وسی ئه‌علا دا هه‌موومان كۆبكاته‌وه‌
إِنه سمیع مجیب
عبدالقادر توحیدی
3/ژی القعده‌/1429ك